தலைகீழாய் மாற்றம் கண்டிருந்தது புதிய தங்கையின் வரவைச் சுமந்த வீடு
தன் வழக்கங்களிலிருந்து விடுதலை வாங்கியிருந்தனர் அவளுடன் சேர்ந்து புதிதாய்ப் பிறந்த வீட்டினர்
வீட்டின் சப்தங்கள் யாவும் அவளின் மூடிய சிறிய கண்களுக்குள் சென்று ஒளிந்து கொண்டன
அவளின் மெல்லிய சிணுங்கள்களினால் வீடு பலமுறை நிலநடுக்கம் கண்டது
நலம் விசாரிக்கும் உறவுகளால் எனக்கு ஒப்பான விஷயங்கள் அவளிடத்தில் தேடப்பட்டன
வேற்றுகிரகவாசி போல் நான் தனித்து நின்ற பொழுதொன்றில்
வலுக்கட்டாயமாக அவள் கைகளுக்குள் திணிக்கப்பட்ட என் விரலை அவள் அழித்திப் பிடிக்கும் வேளையில் நானும் புதிதாய்ப் பிறந்ததை உணர்ந்தேன் !
-வித்யா சுப்ரமணியன்
No comments:
Post a Comment